– भामरागड तालुक्यातील घटना
The गडविश्व
गडचिरोली : जिल्हयातील अतिदुर्गम अशा भामरागड तालुक्यात नक्षल्यांनी पुन्हा डोके वर काढत मलमपोडूर येथील इसमाची हत्या केल्याची घटना उघकीस आली आहे. लकीकुमार ओक्सा (३८) असे मृत इसमाचे नाव असून तो बिनागुंडा जवळील गुसेवाडा येथील मुळ रहिवासी होता.
लकीकुमार ओक्सा हा मलमपोडूर येथे तेंदुपत्ता फळीवर मुंशी म्हणून काम पाहत होता अशी माहिती आहे. काल रात्रो १० वातजाच्या सुमारास सशस्त्र नक्षल्यांनी मलमपोडूर येथे गेले व लकीकुमारला झोपतून उठवून गावाबाहेर नेले व त्याची हत्या केली. आज सकाळच्या सुमारास गावाबाहेर त्याचा मृतदेह आढळून आला. लकीकुमारची हत्या नेमक्या कोणत्या कारणामुळे झाली हे अद्याप स्पष्ट झाले नाही. मात्र पोलीस खबऱ्या असल्याच्या संशयातून हत्या केल्याचा अंदाज वर्तविल्या जात आहे. या घटनेमुळे परिसरात दहशत निर्माण झाली आहे.
