THE गडविश्व
गडचिरोली : तालुक्यातील मुरुमबोडी जंगल परिसरात दारू काढण्यासाठी टाकलेला ५० किलो मोहफुलाचा सडवा मुक्तिपथ तालुका चमू व आंबेटोला गाव संघटनेच्या सदस्याने नष्ट केल्याची कृती काल सोमवारी केली.
मुरूमबोडी व बोथेडा गावात अवैध दारूविक्री केली जाते. यामुळे दारूविक्री बंद असलेल्या खुर्सा, गिलगाव, अमिरझा, आंबेटोला, आंबेशिवणी येथील या गावांना त्रास सहन करावा लागत आहे. मुरूमबोडी व बोथेडा या गावात दारू पिण्यासाठी परिसरातील मद्यपी येत असतात. या गावातून किरकोळ विक्रेत्यांना दारूचा पुरवठा केला जातो. मुरुमबोडी जंगलपरिसरातील नाल्यालगत हातभट्टी सुरु असल्याची माहिती मिळताच मुक्तिपथ तालुका चमू व गाव संघटनेच्या सदस्यांनी शोधमोहीम राबवून दोन ड्रम ५० किलो मोहफुलाचा सडवा व साहित्य नष्ट केला आहे. पोलिस विभागाने या गावातील अवैध दारूविक्री बंद करावी, अशी मागणी केली जात आहे.
