– वन विभागाने तत्काळ वाघास जेरबंद करावे : खासदार अशोक नेते
The गडविश्व
देसाईगंज, ४ ऑक्टोबर : वडसा वनपरिक्षेत्र अंतर्गत येणाऱ्या एकलपुर परिसरात वाघाने धुमाकूळ घातला असून या परिसरातील शेतकरी, शेतमजूर, नागरिक यांच्यात वाघाची दहशत निर्माण झाली आहे. वडसा वनपरिक्षेत्रांतर्गत एकलपुर येथे वाघाची प्रचंड दहशत असून यामध्ये वाघाने अनेक नागरिकांना दर्शन दिले आहे. त्यामुळे गावाच्या परिसरातील जनता नागरिक भयभीत झालेली आहे.
येथील शेतकरी, शेतमजूर शेतावर जाण्यास नकार देत आहेत. नागरिक सायकल अथवा दुचाकीने नजीकच्या गावात जाण्यासाठी घाबरत आहेत त्यामुळे सर्वसामान्य नागरिक यांचे शेतातील कामे ठप्प झाले आहे. यासंबंधीची माहिती प्रदेश संपर्क प्रमुख सदानंदजी कुथे यांनी दिली असता तात्काळ या संदर्भाची दखल घेऊन एकलपुर येथे गडचिरोली-चिमूर लोकसभा क्षेत्राचे खासदार अशोक नेते यांनी भेट देऊन गावकऱ्यांसोबत चर्चा करून समस्या जाणून घेऊन
नागरिकांशी संवाद साधला. यावेळी खासदार अशोक नेते यांनी वरिष्ठ अधिकारी यांच्या सोबत भ्रमण ध्वनीवरुन गावातील समस्याबाबत निर्देश दिले व तत्काळ वन विभागाच्या अधिकाऱ्यांना या वाघाला जेरबंद करण्याच्या सूचना दिल्या.
याप्रसंगी खा.अशोक नेते, आमदार कृष्णाजी गजबे, प्रदेश संपर्क प्रमुख सदानंदजी कुथे, जिल्हा उपाध्यक्ष मोतीलालजी कुकरेजा, तालुकाध्यक्ष वडसा राजू जेठानी, सहाय्यक वनसंरक्षक अधिकारी चव्हाणजी, सरपंचा संध्याताई नागमोती, उपसरपंच संजय सहारे, माजी उपसभापती गोपाल ऊईके, ता. महामंत्री योगेश नागतोडे, उपाध्यक्ष प्रमोद झिलपे, दीपक प्रधान, शेवंता अवसरे पं.स.सदस्य,सारीका रामटेके ग्राम.सदस्या, तसेच अनेक पदाधिकारी व गावातील कार्यकर्ते उपस्थित होते.
