The गडविश्व
गडचिरोली, ६ जानेवारी : गाव संघटनेच्या मागणीनुसार मुक्तीपथ तर्फे देसाईगंज तालुक्यातील पिंपळगाव व गडचिरोली तालुक्यातील गोगाव येथे व्यसन उपचार शिबिराचे आयोजन करण्यात आले होते. या माध्यमातून एकूण ३६ रुग्णांनी उपचार घेत दारुचे व्यसन सोडण्याचा निर्णय घेतला आहे.
पिंपळगाव येथे गावपातळी शिबिर घेण्यात आले. यात एकूण १७ पेशंटनी पूर्ण उपचार घेतला. शिबिरासाठी तंटामुक्ती अध्यक्ष धनिराम लेंडे , सरपंच राऊत , उपसरपंच प्रकाश उरकुडे, ग्राम पंचायत कर्मचारी, गावाचे जेष्ठ राऊत यांनी सहकार्य केले. प्राजू गायकवाड यांनी रुग्णांना समुपदेशन करीत दारुचे दुष्परिणाम, धोक्याचे घटक सांगितले. रुग्णांची केस हिष्ट्री प्रभाकर केळझरकर यांनी घेतली. शिबिराचे नियोजन अनूप नंदगिरवार यांनी केले. गोगाव येथील शिबिरातून १९ रुग्णांनी पूर्ण उपचार घेतला. प्राजक्ता मेश्राम यांनी समुपदेशन करीत नियमित औषधोपचार घेण्याचे सांगितले. संयोजक छत्रपती घवघवे यांनी रुग्णांची केस हिष्ट्री घेत दारुचे दुष्परिणाम पटवून दिले. शिबिराचे नियोजन तालुका उपसंघटक रेवनाथ मेश्राम यांनी केले. यावेळी माजी सरपंच सुलोचना उंदिरवाडे, कालिदास चापले उपस्थित होते. अशाप्रकारे ३६ रुग्णांनी गाव पातळी शिबिराच्या माध्यमातून उपचार घेत दारूमुक्त होण्याचा निर्धार केला.
