प्रश्नमंजुषा स्पर्धेतून विद्यार्थ्यांमध्ये व्यसनविरोधी जागृती

– देसाईगंज तालुक्यातील २३ शाळांचा सहभाग
The गडविश्व
गडचिरोली, २४ डिसेंबर : कायद्याने बंदी असूनही अवैधरित्या विक्री होणाऱ्या व शरीरास हानिकारक अशा तंबाखूजन्य पदार्थांबाबत, खर्रा व दारूबाबत वर्ग ५ ते ९ वी पर्यंतचे शिक्षण घेणाऱ्या विद्यार्थ्यांमध्ये जागृती व्हावी, यासाठी जिल्हा परिषदेच्या शाळांमध्ये मुक्तीपथ अभियानाच्या वतीने विविध टप्प्यामध्ये जाणीवजागृती कार्यक्रम घेण्यात येत आहे. या अंतर्गत पहिल्या टप्प्यातील प्रश्नमंजुषा कार्यक्रम देसाईगंज तालुक्यातील २० जि.प व ३ आश्रमशाळा अशा २३ शाळांमध्ये नुकताच पार पडला आहे. प्रश्नमंजुषा मध्ये दारू व तंबाखू बाबत विविध प्रश्न व माहितीचा अंतर्भाव करण्यात आला आहे.
सदर जाणीवजागृती कार्यक्रम तीन टप्प्यात पार पडणार आहे. शाळा पातळी, क्लस्टर पातळी व जिल्हा पातळीवर जागृती संबधात विविध कार्यक्रम होणार असून शेवटी विद्यार्थ्यांना प्रमाणपत्र व अंतिम टप्प्यात क्रमांक पटकावनाऱ्या शाळांना बक्षीस सुद्धा देण्यात येणार आहे. याच अनुषंगाने देसाईगंज तालुक्यातील ४ क्लस्टरमधील २३ शाळा सहभागी झाल्या होत्या. यामध्ये जिप उच्च प्राथमिक शाळा आमगाव, सावंगी, गांधीनगर, एकलपुर, वीसोरा, चोप, बोळधा, कसारी, शंकरपूर, पोटगाव, विहीरगाव, डोंगरगाव, मोहटोला, किन्हाळा , फरी, उसेगाव, तुळशी, कोकडी, कुरूड, कोंढाळा, धनंजय आश्रम शाळा कोकडी , विनायक आश्रम शाळा कोकडी, इंदिरा गांधी आश्रम शाळा पिंपळगांव या शाळांचा समावेश आहे.
येणारी पिढी व्यसनमुक्त व्हावी, विद्यार्थ्यांना व्यसन लागू नये, विद्यार्थ्यांना व्यसनाचे दुष्परिणाम कळावे या उद्देशाने मुक्तीपथ अभियानाच्या वतीने जिल्हाभरातील शाळांमध्ये हा उपक्रम राबविला जात आहे. देसाईगंज तालुक्यातील शाळांमध्ये आयोजित उपक्रमाचे नियोजन गटशिक्षणाधिकारी, सर्व केंद्रप्रमुख व मुक्तीपथ तालुका संघटक भारती उपाध्ये यांनी केले. शाळेतील मुख्याध्यापक व सर्व शिक्षकांनी मिळून प्रश्नमंजुषेचा टप्पा यशस्वी केल्याबद्दल मुक्तीपथ अभियानाने त्यांचे अभिनंदन केले आहे.

(The Gadvishava) (Gadchiroli News Updates) (Tom Cruise) (China Covid) (World Cup) (PSG) (Olivier Giroud) (Deepika Padukone FIFA) (Closing ceremony World Cup 2022) (Muktipath) (Charles Sobhraj) ( Nasal vaccine) (Imran Khan) (Sikkim accident) (Hyderabad FC)