The गडविश्व
गडचिरोली, ७ ऑगस्ट : शहरातील सर्पमित्रांनी रात्रो ११ वाजताच्या सुमारास चामोर्शी मार्गावरील एका परिसरात असलेल्या ७ फूट अजगर सापाला पकडून जीवनदान दिले.
शहरातील शासकीय विज्ञान महाविद्यालयालगत असलेल्या शांती नगर येथे रात्रो ११ वाजताच्या सुमारास भला मोठा साप असल्याची माहिती नागरिकांनी वनविभागाला दिली.माहिती मिळताच तात्काळ सर्पमित्र टीम घटनास्थळी दाखल होत ७ फूट अजगर सापाला शिताफीने पकडले व वनविभाग कार्यालयात ठेवण्यात आले. दुसऱ्या दिवशी सकाळी उपवनसंरक्षक मिलिश शर्मा यांच्या मार्गदर्शनात सहाय्यक वनसंरक्षक सोनल भडके, वनपरिक्षेत्र अधिकारी अरविंद पेंदाम, क्षेत्र सहाय्यक श्रीकांत नवघरे, वनरक्षक बी.पी.राठोड, आर.आर.टी सदस्य अजय कुकडकर, सर्पमित्र सौरभ सातपुते, पंकज फरकाडे, चेतन शेंडे, योगेश हजारे यांनी सापाला सुरक्षित जंगलात सोडले.
आपल्याला कुठेही सर्प आढळल्यास त्याला न मारता जवळच्या सर्पमित्र ला संपर्क करून माहिती द्यावी असे आवाहन सर्पमित्रांनी केले आहे.
