– वन्यप्राण्यांच्या वाढत्या हल्ल्याने नागरिक संतप्त
The गडविश्व
गडचिरोली, दि.१५ : जिल्ह्यात वन्यप्राण्याचे हल्ले थांबता थांबेना. वाघाच्या हल्ल्यात महिला ठार झाल्याची घटना आज १५ डिसेंबर रोजी दुपारी १२.३० वाजताच्या सुमारास उघडकीस आली आहे. माया धर्माजी सातपुते (वय अंदाजे ५५) रा. गोविंदपुर ता. जि. गडचिरोली असे मृतक महिलेचे नाव आहे.
मिळालेल्या माहितीनुसार, महिला ही सरपण गोळा करण्याकरिता गोविंदपूर गावालगत गेली असता तिच्यावर वाघाने हल्ला करून ठार केले. घटनेची माहिती नागरिकांना होताच घटनास्थळी धाव घेतली व वनविभागाला याबाबत कळविण्यात आले. सदर घटनेने परिसरात भीतीवर वातावरण असून दहशत पसरली आहे. वन्यप्राण्यांच्या वाढत्या हल्ल्याने नागरिक संतप्त झाले असून मानव वन्यजीव संघर्ष निर्माण होण्याची शक्यता आहे.
