The गडविश्व
गडचिरोली, दि.०३ : समाजामध्ये असंसर्गजन्य रोगाचे प्रमाण वाढत आहे. स्ट्रोक (अर्धांगवायू, पॅरालिसिस) यासारखे मेंदूविकार अकस्मात होणार्‍या मृत्यूसाठी करणीभूत ठरत आहेत. आता सर्च रुग्णालयात नागपुर येथील मेंदूविकार तज्ञांद्वारे तपासणी सुविधा उपलब्ध झालेली आहे. मेंदूविकार ओपीडी प्रत्येक महिन्याच्या दुसर्‍या गुरुवारला निजोजित असून, गुरुवार ०९ मे २०२४ ला मेंदूविकार तज्ञ डॉ. निरज बाहेती यांच्या कडून या ओपीडीमध्ये तपासणी करण्यात येणार आहे.
मेंदूविकार ओपीडी मध्ये स्ट्रोक (अर्धांगवायू, पॅरालिसिस) बरोबरच झटक्यांचा (मिरगी) आजार, विविध मज्जातंतूचे आजार, पार्किंन्सन आजार, अल्जायमर आजार, जुनाट डोकेदुखी, लहान मुलांचे मेंदूचे आजार, एपिलेप्सी, चक्कर येण्याचे अनेक आजार, मद्यपानामुळे होणारे मेंदूविकार अशा अनेक आजारांवर तज्ञ डॉक्टरांचा सल्ला व उपचार मिळणार आहे. मेंदुविकार ओपीडी दर महिन्याच्या चौथ्या शनिवारला नियोजित होती, पण या मध्ये बदल करण्यात आलेला आहे. ही ओपीडी आता दर महिन्याच्या दुसऱ्या गुरुवारला नियोजित करण्यात येत आहे. या महिन्याची मासिक ओपीडी गुरुवार ०९ मे २०२४ रोजी असून मेंदुविकार तज्ञ डॉ. निरज बाहेती नागपूर सर्च रुग्णालयात तपासणी करिता येणार आहेत.
गडचिरोली जिल्हातील ग्रामीण व आदिवासी गरजू रुग्णांकरिता उत्कृष्ट दर्जाची आरोग्य सुविधा पुरविण्याच्या उद्देशाने सर्च रुग्णालय विशेष आर्थिक सुविधा देत आहे. ओपीडीमध्ये ईसीजी, एक्सरे व प्रयोगशाळा तपासणी तसेच डॉक्टरांनी लिहून दिलेल्या औषधांवर ५०% सवलत प्रदान करित आहे. तरी दिनांक- ०९ मे रोजी होणार्‍या मेंदूविकार ओपिडीचा लाभ जास्तीत जास्त रुग्णांनी करून घेण्याचे आवाहन सर्च रुग्णालयाने केले आहे. येताना आधारकार्ड व रेशन कार्ड सोबत घेऊन यावे.
