– माजी जि.प.अध्यक्ष अजय कंकडालवार यांनी कंत्राटदारावर कारवाईची केली मागणी
The गडविश्व
अहेरी, दि. ०३ : उपविभागातील अहेरी, भामरागड येथील शासकीय ग्रामीण रुग्णालयात रुग्णांना दिले जाणारे जेवण निकृष्ट दर्जाचे असल्याचे पुन्हा एकदा उघडकीस आल्याने जेवणाचा पुरवठा करणाऱ्या कंत्राटदारावर कारवाई करण्यात यावी अशी मागणी माजी जि.प.अध्यक्ष अजय कंकडालवार यांनी केली आहे.
ग्रामीण रुग्णालयात रुग्णांना देण्यात येणारे जेवण अर्धवट शिजलेले तर पोळ्याही चावणे कठीण असल्याच्या रुग्णांच्या प्रतिक्रिया समोर येऊ लागले आहेत. या प्रकारच्या जेवणामुळे बरा होणारा रुग्णही आणखी आजारी पडण्याची शक्यता असून वरिष्ठ अधिकारीही या गंभीर बाबीकडे गंभीर्याने लक्ष देत नसल्याने येथील रुग्णांची हाल बेहाल होतांना दिसून येत आहे.
तालुक्यातील बरेचशे रुग्ण बरे होण्यासाठी या ठिकाणी येत असून बरे होण्याची आशा रुग्ण बाळगतात. मात्र येथे दाखल झाल्यानंतर विशेष म्हणजे येथे दाखल होणाऱ्या रुग्णांना निकृष्ट दर्जाचे जेवण दिले जात असल्याचे पुन्हा एकदा समोर आले आहे.
जेवणातील दाळ अर्धवट शिजलेली, भातासाठी वापरलेला तांदुळही निकृष्ट आणि पोळ्या चावणेही कठीण असल्याने रुग्ण बरा होण्या ऐवजी आणखी आजारी पडण्याची परिस्थिती निर्माण झाली आहे. काँग्रेसनेते व माजी जिल्हा परिषद अध्यक्ष तथा अहेरी बाजार समिती सभापती अजय कंकडालवार यांच्याकडे याबाबत तक्रार प्राप्त झाल्याने कंकडालवार यांनी या गंभीर बाबीची दखल घेत नित्कृष्ट दर्जाचे जेवण देण्याऱ्या कंत्राटदारावर कारवाई करुन त्या कंत्राटदाराचा परवाना रद्द करण्यात यावा अशी मागणी प्रसिद्धी पत्रकाद्वारे केली आहे.
(#thegdv #thegadvishva #gadchirolinews #aherinews)
