– चार जवान जखमी, अभियायावरून परतताना झाला आयईडीचा स्फोट
The गडविश्व
बिजापूर, दि. १८ : पोलीस दलामार्फत नक्षल विरोधी मोठ्या कारवाया होत असताना नक्षल्यांद्वारे हिंसक कारवाया सुरूच आहे. बिजापूर जिल्ह्यात नक्षलविरोधी अभियान राबवून परत येत असताना नक्षल्यांनी लावलेल्या भूसुरुंग स्फोटात दोन जवान शहीद तर चार जवान जखमी झाल्याची घटना बुधवारी सायंकाळच्या सुमारास घडली. शहीद झालेल्या जवानांमध्ये एसटीएफ चे भरत साहू आणि सत्येर सिंह कांगे यांचं समावेश आहे. शहीद भरत साहू रायपुर आणि सत्येर सिंह कांगे नारायणपुर येथील होते. तर जखमींमध्ये पुरुषोत्तम नाग, कोमल यादव, सियाराम सोरी आणि संजय कुमार यांचा समावेश आहे.
विजापूर, सुकमा आणि दंतेवाडा जिल्ह्यांच्या सीमेवर दर्भा विभागातील नक्षली मोठ्या प्रमाणात असल्याची माहिती पोलीस दलास मिळाली होती. या माहितीच्या आधारे तीन जिल्ह्यांतून एसटीएफ, डीआरजी, कोब्रा आणि सीआरपीएफचे संयुक्त पथक अभियान करीता पाठवण्यात आले. दरम्यान अभियान राबवून परत येत असताना बिजापूरच्या तार्रेमजवळ नक्षल्यांनी पेरून ठेवलेल्या आयईडीचा स्फोट झाला यात दोन जवान शहीद तर चार जावं जखमी झाले आहे. जखमींना जगदलपुर मेडिकल कॉलेज रेफर करण्यात आले.
https://x.com/ANI/status/1813790058778095945?t=j0JQIVG5H092B0hRaLye_w&s=19
गडचिरोलीत मोठी चकमक ; १२ नक्षली ठार
छत्तीसगड सीमेलगतच्या वांडोली गााव परिसरात बुधवारी दुपारच्या सुमारास पोलीस -नक्षल चकमक उडाली. या चकमकीत गडचिरोली पोलीसांनी १२ नक्षल्यांना ठार केले. या चकमकीत C60 चे एक पोलिस उपनिरीक्षक आणि एक जवान जखमी झाले. गडचिरोली पोलीस दलाच्या या विशेष कामगिरी बदल राज्याचे उपमुख्यमंत्री तथा गृहमंत्री देवेंद्र फडणवीस यांनी कौतुक करत या कारवाईत सहभागी असलेल्या जवानांना ५१ लाख रुपयांचे विशेष बक्षीस जाहीर केले आहे.
(#thegdv #thegadvishva #gadchirolipolice #gadchirolipolicenaxalancounter #breaking #eknathshinde #bijapur #naxalfiring )
