The गडविश्व
ता. प्र/ धानोरा, दि. ०२ : जिल्हा स्तरीय शालेय बाल, क्रीडा व कला संमेलन गडचिरोली येथे २९ ते ३१ जानेवारी २०२५ ला संपन्न झाले. बुद्धिबळ स्पर्धेत जिल्हा परिषद उच्च प्राथमिक केंद्र शाळा मुरुमगाव येथील कु. किर्ती विजय मिस्त्री वर्ग ७ वा ही बुद्धिबळ (चेस) स्पर्धेमध्ये उपविजेता ठरलीआहे.
घरची परिस्थिती बेताची असताना सुद्धा येथिल शाळेचे पदवीधर शिक्षक चंदू रामटेके यांनी हिला प्रशिक्षण दिले. यावर्षी बाल क्रीडा संमेलनात प्रथमच बुद्धिबळ स्पर्धेचा समावेश करण्यात आला होता. त्यात तिने आपल्या कुशाग्र बुध्दीची चमक दाखवित उपविजेता ट्रॉफीची मानकरी ठरली. तिच्या या यशाबद्दल गटशिक्षणाधिकारी सुधीर आखाडे, केंद्रप्रमुख अरुण सातपुते, शाळेचे मुख्याध्यापक चलाख, प्रशिक्षक चंदू रामटेके, पदवीधर शिक्षिका गायत्री खेवले, सुमन किरंगे, रविता शेडमाके, संगीता भडके, रुपेश शिवणकर, जगदीश बावणे आदींनी अभिनंदन केले व शुभेच्या दिल्या. यावेळी शाळा व्यवस्थापन समिती सदस्यांकडून तिचे सत्कार करण्यात आले.
