The गडविश्व
गडचिरोली, दि. १ २ : गडचिरोली जिल्ह्यातील २०२५ ते २०३० या कालावधीसाठी ग्रामपंचायतीच्या सरपंच पदाचे आरक्षण निश्चित करण्यासाठी जिल्हाधिकारी, गडचिरोली यांचे २९ मार्च २०२५ रोजीच्या पत्रान्वये निर्देश प्राप्त झालेले आहेत. त्या अनुषंगाने गडचिरोली तालुक्यातील सर्व ५१ ग्रामपंचायतीच्या सरपंच पदाचे आरक्षण सोडत सभा २२ एप्रिल २०२५ (मंगळवार) रोजी दुपारी ०१.०० वाजता गोंडवाना कला दालन, पोटेगांव रोड, गडचिरोली येथे आयोजित करण्यात आलेली आहे.
०५ मार्च २०२५ ते दिनांक ०४ मार्च २०२५ या कालावधीत मुदत संपणाऱ्या ग्रामपंचायतीच्या सरपंच पदाचे सन 2025 ते 2030 करिता आरक्षण निश्चित करण्याबाबत जिल्हाधिकारी, गडचिरोली यांचे २९ मार्च २०२५ रोजीच्या पत्रान्वये निर्देश प्राप्त झालेले आहेत. त्या अनुषंगाने गडचिरोली तालुक्यातील सर्व ५१ ग्रामपंचायतीच्या सरपंच पदाचे आरक्षण सोडत सभा २२ एप्रिल २०२५ (मंगळवार) रोजी दुपारी ०१.०० वाजता गोंडवाना कला दालन, पोटेगांव रोड, गडचिरोली येथे आयोजित करण्यात आलेली आहे.
सदर आरक्षण सोडत सभेत गडचिरोली तालुक्यातील बिगर अनुसूचित क्षेत्रातील ३४ ग्रापंचायती करिता सरपंच पदाचे आरक्षण तसेच अनुसूचित क्षेत्रातील १७ ग्रामपंचायतीचे महिला करिता सरपंच पदाचे आरक्षण काढण्यात येणार आहे.
तरी सदर आरक्षण सोडत सभेला गडचिरोली तालुक्यातील सर्व ग्रामपंचायतीचे सरपंच, उपसरपंच, सदस्य तसेच ग्रामस्थ यांनी २२ एप्रिल २०२५ (मंगळवार) रोजी दुपारी ०१.०० वाजता गोंडवाना कला दालन पोटेगांव रोड, गडचिरोली येथे उपस्थित राहावे. असे आवाहन तालुका निवडणूक अधिकारी तथा तहसिलदार, गडचिरोली संतोष आष्टीकर यांनी केले आहे.
