– सुरजागड लोहखान समर्थन व पोलीस खबऱ्याअसल्याचा केला आरोप
The गडविश्व
गडचिरोली, दि. २४ : जिल्ह्यात नक्षल्यांनी डोके वर काढत गाव पाटलाची हत्या करून आपण सक्रिय असल्याचा इशारा दिला आहे. लालसू वेलदा ( वय ६३) रा. टिटोळा ता. एटापल्ली असे हत्या करण्यात आलेल्या इसमाचे नाव आहे. हत्येनंतर नक्षल्यांनी पत्रक टाकले असून हत्येची जबाबदारी स्वीकारत पोलीस तसेच स्थानिक नेत्यांवर आरोप केले आहे. सदर घटना २३ नोव्हेंबर ला रात्रो ९ वाजताच्या सुमारास घडली.
मिळालेल्या माहितीनुसार, एटापल्ली तालुक्यातील अतिदुर्गम टिटोळा येथील मयत गाव पाटील लालसू वेलदा हे रात्रो स्वतःच्या घरी होते दरम्यान ९ वाजताच्या सुमारास काही सशस्त्र नक्षली त्यांच्या घरात शिरले आणि गोळी झाडून हत्या केली. हत्येचा संपूर्ण थरार कुटुंबासमोरच घडल्याचे बोलल्या जात आहे. हत्येनंतर नक्षल्यांनी पत्रक टाकले असून त्यातून हत्येची जबादारी स्विकारत सुरजागड लोहखान समर्थन आणि पोलीस खबऱ्या असल्याचा आरोप माओवादी गडचिरोली डिव्हिजन कमेटीने केला आहे. तसेच खान समर्थकाना सुद्धा पत्रकातून इशारा देण्यात आला आहे. सदर घटनेने खळबळ उडाली असून यापूर्वी सुद्धा अशा घटना घडल्या आहे त्यामुळे पुन्हा एकदा नक्षली सक्रिय असल्याचे दिसून येत आहे.
(the gdv, the gadvishva, gadchiroli news, naxal, etapalli, murder)
