– १२ हजारांची स्विकारली लाच
The गडविश्व
गडचिरोली, १४ ऑगस्ट : मुरुमाची ट्रॅक्टर पकडून पंचनामा करुन सोडून दिल्याचा मोबदला म्हणून १५ हजार रुपयांची मागणी करून १२ हजार रुपये स्वतःच्या कक्षात स्वीकारल्या प्रकरणी लाप्रवी गडचिरोली पथकाने तलाठी साझा क्रमांक १५, वडधा मंडळ कार्यालय देऊळगाव ता. आरमोरी जि. गडचिरोली येथील तलाठी रमेश महागु कवडो (३२) यास रंगेहाथ पकडले. सदर कारवाईने महसूल विभागात खळबळ उडाली आहे.
तक्रारदाराच्या मालकीचे ट्रॅक्टरने त्यांचे वाहन चालक डार्ली येथील खदाणीतून मुरुमाची वाहतूक करत असतांना तलाठी रमेश महागु कवडो यांनी ट्रॅक्टर पकडून पंचनामा करुन सोडून दिल्याचा मोबदला म्हणून १५ हजार रुपयांची मागणी केली. मात्र तक्रारदार यांना लाच रक्कम देण्याची मुळीच ईच्छा नसल्याने त्यांनी लाचलुचपत प्रतिबंधक विभाग, गडचिरोली येथील अधिकाऱ्यांना भेटुन तक्रार नोंदविली. दरम्यान पोलीस निरीक्षक श्रीधर भोसले, ला.प्र.वि. गडचिरोली यांचे पर्यवेक्षणात पो.नि. शिवाजी राठोड यांनी तक्रारदाराने दिलेल्या तक्रारीची अत्यंत गोपनीयरित्या शहानिशा करून सापळा कारवाईचे आयोजन केले असता त्यामध्ये पडताळणी दरम्यान तक्रारदार यांना मुरुमाची वाहतूक करीत असलेले ट्रॅक्टर पकडून त्याचा पंचनामा तयार करुन कोणतीही कार्यवाही न करता सोडून देण्याचा मोबदला म्हणून १५ हजार रुपये लाच रक्क्मेची पंचसाक्षीदारांसमक्ष मागणी केली व तडजोडीअंती १२ हजार रुपये लाच रक्कम स्वतःच्या कक्षात तलाठी रमेश महागु कवडो हे स्विकारंताता रंगेहाथ मिळून आले. यावरुन आरोपी तलाठी कवडो विरूध्द पोलीस स्टेशन आरमोरी येथे गुन्हा दाखल करण्यात येत असून ताडुरवार नगर, आरमोरी येथील भाडयाचे खोलीत लाचलुचपत प्रतिबंधक विभाग गडचिरोली चमुकडून झडती घेण्यात आलेली आहे.
सदरची कार्यवाही पोलीस अधिक्षक राहुल माकणीकर, ॲन्टी करप्शन ब्युरो, नागपूर, सचिन कदम, अपर पोलीस अधिक्षक, ला.प्र. वि. नागपूर, संजय पुरंदरे, अपर पोलीस अधीक्षक, ला. प्र. वि. नागपूर व कु. अनामिका मिर्झापूरे, ला.प्र.वि. नागपूर यांचे मार्गदर्शनात व पोलीस निरीक्षक श्रीधर भोसले यांचे पर्यवेक्षणात पो. नि. शिवाजी राठोड, पोहवा नथ्थु धोटे, पोना स्वप्निल बांबोळे, पोशि किशोर ठाकुर, संदीप उडान, संदिप घोरमोडे, चापोना प्रफुल डोर्लीकर सर्व लाचलुचपत प्रतिबंधक विभाग, गडचिरोली यांनी केलेली आहे.
(the gdv, the gadvishva, gadchiroli crime news, acb trap)
