– २८ लाखांचे बक्षिस होते जाहीर
The गडविश्व
गडचिरोली, दि. ०३ : शासनाने २००५ पासून जाहिर केलेल्या आत्मसमर्पण योजनेमुळे तसेच हिंसाचाराच्या जीवनाला कंटाळून दोन जहाल महिला नक्षलींची आपल्या पतीसह गडचिरोली पोलीस व सिआरपीएफ समोर आज ३ फेब्रुवारी २०२५ रोजी शरणागती पत्करली आहे. त्यांच्यावर शासनाने एकूण २८ लाख रुपयांचे बक्षीस जाहीर केले होते. त्यामध्ये एक डीव्हीसीएम (Divisional committee member) दर्जाच्या वरीष्ठ कॅडरसह, एक एसीएम (Area Committee Member) व दोन सदस्यांचा समावेश आहे.
अशोक पोच्या सडमेक ऊर्फ बालन्ना ऊर्फ चंद्रशेखर, डी.व्हि.सी.एम टेक्नीकल टीम, (वय ६३), रा. अर्कापल्ली, ता. अहेरी, जि. गडचिरोली,वनिता दोहे झोरे, एसीएम टेक्नीकल टीम, (वय ५४), रा. कोरनार, ता. एटापल्ली. जि. गडचिरोली, साधू लिंगु मोहंदा ऊर्फ शैलेश ऊर्फ समीर, प्लाटून-३२ सदस्य, (वय ३०)रा. तुमरकोडी, ता. भामरागड जि. गडचिरोली व मुन्नी पोदीया कोरसा, पार्टी सदस्य, (वय २५), रा. सिलीगेंर ता. कोळा, जि. सुकमा (छ.ग.) अशी आत्मसमर्पण केलेल्यांची नावे आहेत.
शासनाने २००५ पासून जाहिर केलेल्या आत्मसमर्पण योजनेमुळे तसेच हिंसाचाराच्या जीवनाला कंटाळून वरिष्ठ माओवाद्यांसह अनेक जहाल माओवाद्यांनी आजपर्यंत पोलीसांसमोर आत्मसमर्पण केलेले आहे. त्याचबरोबर आत्मसमर्पित माओवाद्यांचे पोलीस दलाने पुनर्वसन घडवून आणल्यामुळे आजपर्यंत एकुण ६९५ माओवाद्यांनी गडचिरोली पोलीस दलासमोर आत्मसमर्पण केले आहे.
अशोक पोच्या सडमेक ऊर्फ बालन्ना ऊर्फ चंद्रशेखर हा १९९१ मध्ये अहेरी दलम मध्ये भरती होवून १९९५ पर्यंत कार्यरत, १९९५ ते १९९७ पर्यंत बालाघाट परिसरात ताडा दलम (म.प्र.) मध्ये एसीएम पदावर पदोन्नती, १९९८ ते १९९९ अहेरी दलममध्ये एसीएम पदावर कार्यरत होता. २००० मध्ये चामोर्शी दलममध्ये कंमाडर पदी पदोन्नती होवून २००३ पर्यंत काम केले. २००३ मध्ये डिव्हिसीएम पदावर पदोन्नती होवून चामोर्शी दलममध्ये २००५ पर्यंत कार्यरत. २००५ ते २००७ पर्यंत अहेरी दलम कंमाडर म्हणून काम केले. २००७ ते २०१७ पर्यंत नक्षल साहित्य शिक्षण सामितीमध्ये कार्यरत राहुन नियुक्ती दलमसोबत नक्षल संघटनेबाबात शिक्षण देण्याचे काम केले. २०१८ मध्ये टेक्नीकल टिममध्ये बदली होवून आजपर्यंत कार्यरत. त्याच्यावर आजपर्यंत एकुण ८२ गुन्हे दाखल असून त्यामध्ये ३१ चकमक, १७ जाळपोळ, व ३४-इतर गुन्ह्रांचा समावेश आहे.
वनिता दोहे झोरे हि 1993 मध्ये एटापल्ली दलममध्ये भरती होवून 1995 पर्यंत कार्यरत. 1995 मध्ये टिपागड दलममध्ये बदली होवून सदस्य पदावर 1999 पर्यंत कार्यरत.1999 मध्ये नॅशनल पार्क महिला दलम मध्ये कंमाडर पदावरा पदोन्नती, 2005-2006 मध्ये टेक्कामेट्टा जवळपासच्या गावात जनताना सरकार स्कुलमध्ये शिक्षक म्हणून काम केले. 2006 ते 2010 पर्यंत अबुझमाड मधील जटवाही, कुतुल, नेलनार या गावात ०४ वर्ष जनताना स्कुलमध्ये शिक्षक म्हणून काम केले. 2010 मध्ये एसीएम पदावर पदोन्नती होवून कार्यरत होती. 2010 ते 2019 मध्ये गावागावात जाऊन मिटींग घेवुन जनताना सरकारसाठी काम केले. 2019 ते 2022 पर्यंत उसेवाडा एरीयामध्ये काम केले. 2022 मध्ये टेक्नीकल टीममध्ये बदली होवून आजपावेतो कार्यरत होती. हिच्यावर आजपर्यंत एकुण 11 गुन्हे दाखल असून त्यामध्ये 01- चकमक, 02- जाळपोळ, व 08- इतर गुन्ह्रांचा समावेश आहे.
साधू लिंगु मोहंदा ऊर्फ शैलेश ऊर्फ समीर हा 2011 मध्ये जनमिलिशिया म्हणून भरती होवून भामरागड दलमसोबत 2012 पर्यत काम केले. 2012 मध्ये सदस्य पदावर बढती होवून भास्कर हिचामी याचा अंगरक्षक म्हणून 2017 पर्यंत काम केले. 2017 मध्ये कसनसूर दलममध्ये बदली होवून कार्यरत. 2018 मध्ये कसनासुर-बोरीया चकमकीमध्ये जखमी झाल्यानंतर एप्रिल 2018 मध्ये स्टाफ टिममध्ये बदली होवून 2021 पर्यंत काम केले. जुलै 2021 मध्ये प्लाटून 32 मध्ये बदली होवून आजपर्यत सदस्य पदावर कार्यरत होता. याच्यावर आजपर्यंत एकुण 04 गुन्हे दाखल असून त्यामध्ये 02- चकमक व 02- इतर गुन्ह्रांचा समावेश आहे.
मुन्नी पोदीया कोरसा हि 2015 मध्ये बासागुडा दलममध्ये भरती होवून कार्यरत, 2016 मध्ये प्लाटून क्र. 07 सदस्य पदावर बदली होवून 2018 पर्यंत कार्यरत होती. 2018 मध्ये प्लाटुन क्र. 32 मध्ये प्लाटून मेंबर म्हणून बदली. 2019 मध्ये सप्लाय टिममध्ये बदली होवून 2021 पर्यंत कार्यरत होती. 2021 मध्ये माड डिव्हिजन मध्ये बदली होवून जनताना सरकार स्कुलमध्ये शिक्षक म्हणून आजपर्यंत काम केले. घटनांमध्ये तिचा सहभाग असल्याची पडताळणी करणे सुरु आहे.
शासनाने जाहिर केलेले बक्षीस
महाराष्ट्र शासनाने अशोक पोच्या सडमेक ऊर्फ बालन्ना ऊर्फ चंद्रशेखर याच्यावर 16 लाख, वनिता दोहे झोरे हिच्यावर 06 लाख, साधू लिंगु मोहंदा ऊर्फ शैलेश ऊर्फ समीर याच्यावर 04 लाख, मुन्नी पोदीया कोरसा हिच्यावर 02 लाख रूपयाचे बक्षीस जाहिर केले होते.
आत्मसमर्पणानंतर पुनर्वसनाकरीता केंद्र व राज्य शासनाकडुन शामला अशोक पोच्या सडमेक ऊर्फ बालन्ना ऊर्फ चंद्रशेखर याला एकुण 8.5 लाख, वनिता दोहे झोरे हिला एकुण 05 लाख, साधू लिंगु मोहंदा ऊर्फ शैलेश ऊर्फ समीर याला एकुण 05 लाख, काजल मुन्नी पोदीया कोरसा हिला एकुण 4.5 लाख, पती-पत्नी असलेले नक्षल सदस्य यांनी आत्मसमर्पण केल्यास एकत्रित अतिरिक्त मदत म्हणून 1.5 लाख रुपये बक्षीस जाहिर केले आहे. अशोक पोच्या सडमेक ऊर्फ बालन्ना ऊर्फ चंद्रशेखर व त्याची पत्नी वनिता दोहे झोरे यांना एकुण १५ लाख रुपये तसेच साधू लिंगु मोहंदा ऊर्फ शैलेश ऊर्फ समीर व त्याची पत्नी मुन्नी पोदीया कोरसा यांना एकुण 11 लाख रुपये पुनर्वसनाकरीता बक्षीस म्हणून मिळणार आहे.
आत्मसमर्पणानंतर पुनर्वसनाकरीता केंद्र व राज्य शासनाकडुन गटाने आत्मसमर्पण केल्यास एकत्रित मदत म्हणून एकुण 04 लाख रुपये बक्षीस जाहिर केले आहे.
गडचिरोली पोलीस दलाने अतिशय प्रभावीपणे माओवादविरोधी अभियान राबविल्यामुळे तसेच शासनाने माओवाद्यांना आत्मसमर्पणाची सुवर्णसंधी उपलब्ध करून दिल्याने, सन्मानाने जीवन जगण्यासाठी 2022 ते आतापर्यंत एकुण ५० जहाल माओवाद्यांनी आत्मसमर्पण केले आहे. तसेच २०२५ साली आतापर्यंत एकुण १७ माओवाद्यांनी आत्मसमर्पण केले. सदर माओवाद्यांचे आत्मसमर्पण घडवून मुख्यप्रवाहात आणण्याबाबतची कारवाई संदिप पाटील, पोलीस महानिरीक्षक (नक्षलविरोधी अभियान) नागपूर, अंकित गोयल, पोलीस उप-महानिरीक्षक, गडचिरोली परिक्षेत्र, अजय कुमार शर्मा, पोलीस उप-महानिरीक्षक (अभियान) सीआरपीएफ, नीलोत्पल, पोलीस अधीक्षक गडचिरोली व शंभु कुमार, कमांण्डट 09 बटा. सिआरपीएफ यांच्या मार्गदर्शनाखाली पार पाडली. यावेळी पोलीस अधीक्षक गडचिरोली नीलोत्पल यांनी आवाहन केले की, विकासकामांना आडकाठी निर्माण करणाया माओवाद्यांवर पोलीस दल सक्षमपणे कारवाई करण्यास तत्पर असुन, जे माओवादी विकासाच्या प्रवाहात सामील होण्यास ईच्छुक असतील त्यांना विकासाच्या मुख्य प्रवाहात आणण्यासाठी तसेच लोकशाहीतील सन्मानाचे जीवन जगण्यासाठी गडचिरोली पोलीस दल सर्वतोपरी मदत करेल, तसेच त्यांनी हिंसेचा त्याग करुन शांततेचा मार्ग स्विकारावा.
