–जिल्ह्यात खळबळ
The गडविश्व
गडचिरोली, दि. २९ : देशात सुरू असलेल्या आयपीएलवर गडचिरोली जिल्ह्यात एका विशिष्ट ॲपच्या सहाय्याने ऑनलाईन सट्टा चालवणाऱ्यांच्या मुसक्या गडचिरोली पोलिसांनी आवळल्या आहेत.
निखील मल्लया दुर्गेे,आसिफ फकीर मोहम्मद शेख, धंनजय राजरत्नम गोगीवार, निखील गुंडावार, प्रणित श्रीरामवार, अक्षय गनमुकलवार, फरमान शेख, फरदिन पठाण, इरफान ईकबाल शेख सर्व रा. अहेरी, संदिप गुडपवार रा. आल्लापल्ली असे आरोपींची नावे असून पोलिस स्टेशन अहेरी येथे महाराष्ट्र जुगार बंदी कायदा कलम 4 व 5 कायदयान्वये गुन्हा नोंंद करण्यात आला आहे. सदर कारवाईने जिल्ह्यात खळबळ उडाली असून आयपीएल ऑनलाईन सट्टा चे जाळे जिल्ह्यात पसरलेले दिसून येत आहे.
सद्या देशात आयपीएलचा सीजन सुरु असुन आयपीएलवर सुरु असलेल्या अवैध सट्टाबाजीवर आळा घालुन कठोर कारवाई करण्याचे निर्देश संपूर्ण जिल्हयातील पोस्टे/उपपोस्टे व पोमके यांना पोलीस अधीक्षक गडचिरोली नीलोत्पल सा. यांनी दिले आहे. त्या पार्श्वभूमीवर २७ एप्रिल २०२४ रोजी पोस्टे अहेरी हद्दीतील आय.पी.एल. सट्टा खेळवणारे इसम बाबत खात्रीशीर माहिती मिळाल्याने अपर पोलीस अधीक्षक अहेरी एम. रमेश, उपविभागीय पोलीस अधिकारी अहेरी अजय कोकाटे, पोलीस निरीक्षक पोस्टे अहेरी दशरथ वाघमोडे, पोउपनि. जनार्धन काळे, पोउपनि. गवळी व पोलीस स्टॉफ सह विशेष मोहिम राबवुन अहेरी येथील बालाजी गेस्ट हाऊस येथे छापा मारला असता, बनावटी ॲप nice.7777.fun या प्लॅटफार्मवर ऑनलाईन आय.पी.एल क्रिकेट वर सट्टयाचा खेळ खेळुन इतर लोकांना त्यावर पैसे लावुन नशिब आजमावुन आय.पी.एल सट्टा जुगार खेळ खेळवित असल्याचे दिसुन आले. दरम्यान घटनास्थळावरुन निखील दुर्गेे व आसिफ शेख यांच्या ताब्यातुन चार मोबाईल फोन व 9 हजार 420 रुपये असा मुद्देमाल मिळुन आला. या दोन्ही आरोपींना विश्वासात घेवुन विचारपुस करुन अधिक चौकशीत केली असता इरफान ईकबाल शेख रा. अहेरी याचे अप्पर लाईनला संदिप गुडपवार रा. आल्लापल्ली हा सदरचे रॅकेट चालवत असुन सदर बेकायदेशिर ऑनलाईन आय.पी.एल क्रिकेट वर सट्टयाचा जुगार चालविणारे निखील दुर्गेे व आसिफ शेख हे व्यक्ती एजंट वर्गात मोडतात तसेच त्यांचे (बेस लेवल) खालच्या पातळीवर काम कारणारे निखील गुंडावार, प्रणित श्रीरामवार, अक्षय गनमुकलवार, फरमान शेख, फरदिन पठाण हे सुध्दा आय. पी. एल. सट्टयामध्ये एजंट चे काम करतानाचे आढळून आले. सर्व आरोपींवर अहेरी पोलीस स्टेशन मध्ये
सदरची कार्यवाही पोलीस अधीक्षक नीलोत्पल, अपर पोलीस अधीक्षक (प्रशासन) कुमार चिंता, अपर पोलीस अधीक्षक (अभियान) यतिश देशमुख, अपर पोलीस अधीक्षक अहेरी एम. रमेश सा यांच्या मार्गदर्शनाखाली उपविभागीय पोलीस अधिकारी अहेरी अजय कोकाटे सा.यांच्या नेतृत्वात, पोलीस निरीक्षक पोस्टे अहेरी. दशरथ वाघमोडे, पोउपनि जनार्धन काळे, पोउपनि गवळी, पोहवा काबंळे,संजय बोलीवार,पोहवा/पठाण, मडावी,शेन्डे, पोअं/केंद्रे,देवेंंद्र दुर्गेे,सुरज करपे, दहिफळे व चापोना भंडे यांनी पार पाडली.
यावेळी संपूर्ण जिल्हयातील नागरिकांनी अशा प्रकारच्या अवैध सट्टेबाजी पासुन दुर राहुन जर कोणी असे अवैध व्यवसाय चालवित असतील त्यांची माहिती पोलीस विभागाला देण्याचे आवाहन पोलीस अधीक्षक गडचिरोली यांनी केले आहे.
(#thegdv #thegadvishva #gadchirolipolice #crimenews #gadchirolinews )
