The गडविश्व
ता. प्र / धानोरा, दि. ०७ : तालुक्यातील मोहली येथे ५ सप्टेंबर हा दिवस शिक्षक दिन म्हणून मोठ्या थाटाने साजरा करण्यात आला. शिक्षक दिनाचे औचित्य साधून शालेय विद्यार्थ्यांसाठी स्वयंशासन हा उपक्रम घेण्यात आला.
सदर उपक्रमात बहुतेक इच्छुक विद्यार्थ्यांनी सहभाग घेत आपल्या अंगी असलेल्या उपजत कलाकौशल्यांची चुणूक दाखवली. वर्गातील अध्यापनाचा प्रत्यक्ष अनुभव घेतला. सर्वप्रथम कार्यक्रमाची सुरुवात डॉ.सर्वपल्ली राधाकृष्णन यांच्या प्रतिमेला दीप प्रज्वलित करून पुष्पहार अर्पण करीत अभिवादन केले. स्वंयप्रेरणेने काही विद्यार्थ्यांनी शिक्षकांच्या जबाबदाऱ्या कर्तव्ये व कार्ये यासंबधी समायोजित भाषणे केलीत. कार्यक्रमाला प्रमुख अतिथी म्हणून लाभलेले डी.बी.वट्टी यांनी डॉ.सर्वपल्ली राधाकृष्णन यांच्या जीवन कार्यावर थोडक्यात प्रकाश टाकून शिक्षक दिन साजरा करण्यामागे उदिष्टे स्पष्ट केले. याप्रसंगी कार्यक्रमाचे अध्यक्षस्थानी शाळेचे प्राचार्य डी.जी.नरोटे हे प्रामुख्याने विराजमान होते. त्यांनी आपल्या मनोगतातून विद्यार्थ्यांनी नेहमी सकारात्मक दृष्टिकोन बाळगून उद्भवणाऱ्या आव्हानांना स्विकारण्यास सज्ज राहावे तरच आपण जीवनात यशस्वी होऊ शकतो असे बहुमोल मार्गदर्शन केले.
यावेळी श्रीमती एस.पी.बुराडे, एस.पी.हेमके, एस.पी.वैरागडे, डी.एम.गुरनुले, व्ही.टी.पोरेटी, ए.के.काटेंगे, बी.जी.वाघाडे, कु.एस.डब्लु.बोगा, कु.गुरनुले आदि प्रमुख पाहुणेसह बहुसंख्येने विद्यार्थी उपस्थित होते.
कार्यक्रमाचे सुत्रसंचलन व आभार कुंदन चापळे यांनी केले. कार्यक्रमाची सांगता वंदेमातरम् गीताने करण्यात आली.
(#thegdv #thegadvisvha #gadchirolinews #gadchirolilocalnews #gadchiroli #muktipath #dhanora )
