The गडविश्व
गडचिरोली, दि. २७ : धानोरा तालुक्यातील सर्च शोधग्राम येथील माँ दंतेश्वरी रुग्णालयात मुंबईचे डॉ. प्रितम पठारे (General Surgeon) यांच्या नेतृत्वात दिनांक- ०७ ते ०८ ऑक्टोबर २०२४ दरम्यान शस्त्रक्रिया शिबिर घेण्यात येत आहे. सर्चद्वारे मागील १८ वर्षापासून दरवर्षी शस्त्रक्रिया शिबिराचे आयोजन केल्या जाते. ज्या रूग्णांना हायड्रोसील, हर्निया, अपेंडीक्स व शरीरावरील गाठी या प्रकारची लक्षणे असल्यास त्यांनी ०४ ऑक्टोबर २०२४ पूर्वी सर्च रुग्णालयात येउन ऑपरेशनपूर्व तपासणी करुन घ्यावी व शिबिरासाठी आपले नाव नोंदवून घ्यावे.
गडचिरोली जिल्हातील आदिवासी व ग्रामीण भागातील गरजू रुग्णांना शस्त्रक्रियेची सुविधा मिळावी यासाठी चातगाव येथील सर्च रुग्णालयाने मोफत सर्जरी कॅम्पचे आयोजन केले आहे. ऑपरेशन संबंधित प्रयोगशाळा तपासणी व ऑपरेशन मोफत राहणार आहे. सर्जरीसाठी कोणतेही शुल्क आकारले जाणार नाही. तसेच ऑपरेशन भरती दरम्यान रुग्ण व एक नातेवाईक यांना मेससुविधा मोफत दिल्या जाईल. तरी जनरल सर्जरी कॅम्प करिता रुग्णांनी सर्च रुग्णालयात ०४ ऑक्टोबर पूर्वी येऊन ऑपरेशनसाठी नाव नोंदणी करून घ्यावी. येताना आधारकार्ड व रेशनकार्ड सोबत घेऊन यावे.
(#thegdv #thegadvishva #gadchirolinews #gadchirolipolice #muktipath )
