– महाराष्ट्र ननिर्माण सेना तलोधी मोकासाकडून सरपंच व गटविकास अधिकारी यांना निवेदनाद्वारे मागणी
The गडविश्व
गडचिरोली, ३० ऑगस्ट : तलोधी (मो) हे गाव राज्य मार्गावर असून या ठिकाणावरून अनेक अनेक राज्य परिवहन महामंडळाच्या बसेस व खाजगी बसेस येजा करतात त्यामुळे येथे प्रवाशाची मोठी वर्दळ असते. मात्र सदर ठिकाणी मुत्रिघराची अद्याप सुविधा नसल्याने नागरिकांना व प्रवाशांना फार मोठा मनस्ताप सहन करावा लागत आहे. करिता महाराष्ट्र नवनिर्माण सेनाच्या पदाधिकाऱ्यांनी पुढाकार घेत येथिल ग्राम पंचायत सरपंच मनोहर बोदलवार व गट विकास अधिकारी चामोर्शी यांची भेट घेत निवेदन दिले व बसस्थानक तलोधी(मो) येथे मुत्री घराची लवकरात लवकर सोय उपलब्ध करून द्यावी अशी मागणी करण्यात आली.
यावेळी महाराष्ट्र नवनिर्माण सेनेचे चार्मोशी तालुकाध्यक्ष चंद्रकांत पिपरे, तालुका उपाध्यक्ष अंकुशभाऊ संतोषवार, सुधीर भांडेकर, शहराध्यक्ष शुभंम भांडेकर, शहर उपाध्याक्ष आकाश नेवारे, तालुका सचिव सौरभ मुनघाटे, मनविसे अध्यक्ष सांरग भांडेकर, तालुका संघटक अभिषेक कोत्तावार, मनसे सैनिक संतोष राजकोंडावर, प्रितेश गांगरेद्दीवार, मनशू सातपुते, आशिष भांडेकर,योगराज गेडाम,मिहिर पुष्टेवार, शंकर पुद्देवार,कुणाल उंदिरवाडे उपस्थित होते.
