The गडविश्व
ता. प्र/ धानोरा, दि. ०७ : जिल्हा परिषद हायस्कूल, धानोरा येथील इयत्ता ८ वीतील विद्यार्थी सारंग बारीकराव मडावी याची राष्ट्रीय आर्थिक दुर्बल घटक (NMMS) शिष्यवृत्तीसाठी निवड झाली आहे. त्याने आपल्या बुद्धिमत्तेने आणि मेहनतीने हे यश संपादन करून शाळेचा गौरव वाढवला आहे.
सत्र २०२४-२५ मध्ये शाळेतील एकूण २१ विद्यार्थ्यांनी NMMS परीक्षेला सामोरे गेले होते. त्यापैकी ४ विद्यार्थी उत्तीर्ण झाले असून, सारंग मडावी शिष्यवृत्ती मिळवणारा विद्यार्थी ठरला आहे. ही शिष्यवृत्ती इयत्ता 9 वी ते 12 वीपर्यंत दरवर्षी १२,००० रुपये या प्रमाणे एकूण ४८,००० रुपये मिळणार आहे.
या यशानंतर शाळेच्या वतीने सारंगचा सत्कार करण्यात आला. या कार्यक्रमात शाळेतील शिक्षक गणेश पेंदाम, मंगला सातम, वंदना नागोसवी, संध्या झाडे, स्नेहल धोटे, रूपेश मेश्राम, प्रदीप कोरेटी, मनिषा मडावी, अमित ताजने, संजय हिंगे, शीतल नाकाडे, प्रशांत देशमुख, रोशन पेंदाम, चंद्रकांत ठाकरे, कविता शेंडे, विकास कोरेटी, सुनील पिपरे, वैशाली जिवणे, पूजा मेश्राम, अश्विनी देशमुख, निलेश राऊत आदींनी विद्यार्थ्याचे अभिनंदन करत त्याच्या यशाबद्दल गौरवोद्गार काढले.
सारंगच्या या यशामुळे शाळेच्या गुणवत्तेला नवा आयाम मिळाला असून, इतर विद्यार्थ्यांसाठी तो प्रेरणास्त्रोत ठरला आहे.
