-परिसरात भीतीचे वातावरण, तेंदुपत्ता संकलन करणाऱ्यांमध्ये दहशत
The गडविश्व
सिंदेवाही, दि.०४ : तालुक्यातील शिवनी वनपरिक्षेत्रातील कुकडहेटी उपवनपरीक्षेत्राअंतर्गत येत असलेल्या बामणीमाल जंगल परिसरात तेंदुपत्ता संकलन करणाऱ्या महिलेवर वाघाने हल्ला करून ठार केल्याची घटना आज ०४ मे रोजी सकाळी ८.३० वाजताच्या सुमारास घडली. दीपा दिलीप गेडाम (वय 33) रा.बामणीमाल असे मृतक महिलेचे नाव आहे.
तेंदुपत्ता संकलनाचा हंगाम सुरू झाला असून जंगल परिसरात नागरिक तेंदुपत्ता संकलन करण्याकरिता जात असतात. नेहमीप्रमाणे येथील नागरिक जंगल परिसरात तेंदुपत्ता संकलन करण्याकरिता गेले असता दबा धरून बसलेल्या वाघाने दीपा गेडाम यांच्यावर हल्ला करून ठार केले. घटनेची माहिती वनविभागाला देण्यात आली असता वनकर्मचारी घटनस्थळी दाखल होत पंचनामा करून मृतदेह शवविच्छेदनासाठी पाठवला. सदर घटनेने नागरिकांमध्ये भीतीचे वातावरण असून दहशत पसरली आहे. दरम्यान वाघाचा बंदोबस्त करण्यात यावा अशी मागणी नागरिकांनी केली आहे .
(#thegdv #thegadvishva #chandrpuenews #sindewahi #kukalheti #rajoli )
